Miyvars.Ge

კაცებო, ქალებს გაუფრთხილდით,
გული ფიანდაზად გაუშალეთ,
შუბლზე გაჩენილი ნაოჭები
ნაზი მოფერებით წაუშალეთ!
ქალს შვლის ნუკრივით მოუარეთ
მადლი ხელისგულზე მოუყარეთ,
ქალს,ქალობა დაულოცეთ და
ბაღის ყვავილივით მოუარეთ.

ერთი პატარა გოგო მიყვარდა,
როგორც იყო და არა იყო რა,
მისმა ალერსმა გადამიყოლა,
მისმა ფერებამ გადამიყოლა.
როგორც ვაკოცე ან რა ვუთხარი,
ყველას უამბო თურმე სულელმა,
ვერაფერს გავხდი ხვეწნა-მუდარით,
მე მამტყუნებდა მერე სუყველა.
პატარას კარგი დედა ჰყოლია,
თურმე მის გაზრდას გადაჰყოლია,
მაგრამ იმ ბავშვთან რომ დამაშორა,
დედამისს გული არა ჰქონია.
ერთი პატარა გოგო მიყვარდა,
ერთი პატარა, ჩია გოგონა,
ჩემი ოცნების ციცინათელა,
ჩემი ბავშვობის ჭიაკოკონა.

უშნოდ ლამაზია ეს ქალი,
ადამიანისფერ თვალებით,
სახე აქვს თითქოს ნაფრესკალი
სახე აქვს დაღლილი ფერებით.

მზეზე სახრჩობელა კიდია,
სხივებმა ატმები დახოცეს,
ეს ქალი სამყაროს კიდეა,
ჰორიზონტზე რომ აკოცეს.

სული აქვს აპრილზე მუზადი,
მის მკერდზე სტრიქონი მეწერა,
ტანი აქვს თლილი და უზადო,
ლოგინზე დაღვრილი ფერწერად.

შებრძანდით "ნახვაში" და წაიკითხეთ ბოლომდე

ფიქრმა როგორ შეძლოს გადარჩენა ჩემი,
იძირება ზღვაში მტრედისფერი გემი.
აღარაფერს ვნანობ, აღარავის ველი..
კი არ ვტირი, ისე... ჩემებურად ვმღერი.
ბილიკ-ბილიკ ნავალს ამერია გზები..
იქნებ მომატყუეს, იქნებ ისევ ვცდები..
აღარ შემრჩა ძალა, აღარაფერს ვდარდობ,
არ გეძახი, ისე... ჩემებურად გნატრობ..
ღამისფერი ნისლი დაეფარა თვალებს
და მიხურავს ქარი ჯერ არ გახსნილ კარებს..
ხანაც ვეგუები, ხან კი ვებრძვი იღბალს..
სხვანაირად არა, ჩემებურად მიყვარს...

არდავიწყებას დაგპირდები და
როგორც ტკივილი მომეძალები.
როცა დაგკარგავ ავტირდები და
როცა გიპოვი მოგეკრძალები.
როცა შეგხვდები დავდუმდები და
ზეცის ფერებით დავიფარები.
როცა მინატრებ დავბრუნდები და
როცა გადაგღლი გავიპარები.
არდავიწყებას დაგპირდები და
შენი სიშორით განა ვიცვლები?
შენი ცრემლებით ავტირდები და
შენი ტკივილით გარდავიცვლები.

მე მაოცებდნენ შენზე ფიქრები,
ჩემში ყვებოდნენ შენზე გრძნობები,
აღარ მაოცებს შენი ქცევები,
დავრჩი უშენოდ ასეც ვიქნები,

აღარ ვიტირებ მეყოპა ცრემლი,
აღარ ვიყვირებ,მეტკინე ყელი,
აღარ ვიფიქრებ ამტკივდა თავი,
მიდი გაირე დამთავრდა წამი.

ცხოვრებაში ერთ შეცდომას ყველა უშვებს,
სწორედ იმ ერთს ვერ ასწორებს ვერაფერი,
და თუ მართლა დამნაშავედ მიგაჩნივარ,
მაპატიე.. მაპატიე.. ყველაფერი.
თუკი სევდა გარს გეხვევა როგორც ნისლი,
და სიმართლეს ტყუილისგან ვეღარ არჩევ,
თუ ორივე ერთად ყოფნამ გადაგვღალა,
მაშინ მხოლოდ განშორება გადაგვარჩენს,
მე გშორდები,მე მივდივარ რადგან ვხედავ,
ჩვენ შეხვედრას არ შორდება ყალბი ფერი,
და თუ ახლას დამნაშავედ მიგაჩნივარ,
მაპატიე.. მაპატიე.. ყველაფერი!!!